罗启豪亲自设计首个个人音乐会海报 12月23 日 及一众豪壳於麦花臣迎接圣诞

罗启豪英国豪於「中年好声音」比赛夺得季军後几个月，公司为他安排不少演出机会，比赛时嘅演出「忘情号」丶「当爱已成往事」丶「连续剧」於YouTube 嘅 view 数同留言数量仲继续攀升，为佢喺短时间内储得大量粉丝，为答谢一众豪壳 (他的粉丝昵称) 对他的支持， Ramon 将於12 月23 日晚上在麦花臣场馆，举行「 与罗启豪之冬日约会 Winter Rendezvous」，和豪壳一齐迎接圣诞，$880 及 $580 已於今天开始在 Cityline 公开发售。

英国豪今次音乐会命名为「与罗启豪之冬日约会 Winter Rendezvous」，名字既温暖又浪漫，身为平面设计师的 Ramon 特别设计了一款非常配合气氛之音乐会海报。海报上的照片可以看到启豪穿上暖笠笠之家居服，表现很舒服地坐在一个为充满圣诞布置之客厅，然後对着镜头回头一笑，像在对豪壳说：「Welcome to my home !」Ramon 解释今次之海报设计灵感时表示：「哈哈，呢幅相嘅画面系我同我粉丝团队一齐谂出嚟，但时间关系我哋觉得好难搵到一个理想嘅场地去影呢幅相。呢个唔系我英国或香港嘅屋企，一来我已经搬番晒啲嘢返香港，英国宜家无屋企㗎喇；二来就系因为我前几个月先搬返嚟，但一直都忙无时间执屋，所以屋企仲好多好多箱嘢未拆，周围都系嘢，间屋完全唔见得人！呢幅相其实系我哋用 AI 绘图做出嚟，输入我哋想要有嘅元素嘅字眼，譬如圣诞布置丶圣诞树丶暖色丶蜡烛等等，试好多次 AI 就帮我哋画咗呢幅无论个内容丶角度丶颜色都啱用嘅「客厅」出嚟！然後我坐嗰张梳化就系喺朋友屋企度影嘅，最後将两幅相合成埋一齐就变成呢个成品。我见我嘅豪壳们都好似几满意，自己设计呢个海报又可以畀我重操吓故业，令我都好有满足感。」原来启豪不单止唱歌好听，设计和创意也有一手，难怪他那麽受一众豪壳之爱戴。

启豪同时表示：「我连平时自己睇演唱会都唔舍得用咁多钱出嚟买飞，无谂过有人会为自己毫不考虑攞咁多钱出嚟去听自己唱歌，所以我会把握每一分每一秒去预备好呢个音乐会，无论喺拣歌丶娱乐性同创意上都会全力以赴，唔好令嚟支持我嘅朋友失望。」相信豪壳听到都非常期待启豪和他们这个冬日约会！